Այսուհետւ, «Մենք Անկեղծ զինուոր ենք » երգին տուեալ տողը պիտի երգեմ, խոր ատելութեամբ, այսպէս՝ «Ռուասսատանը՜ պիտի լինի արեան ծով»:
Ռուսատանը թյլ չտուաւ որ Արցախի ազատագրական պատերազմը մղենք մեր ուզածին պէս, ապա, որ մեր յաղթանակը հասցնենք իր լրումին:
Ապա երեսուն տարիներ, ամէն ինչ կատարեց – կամ չկատարեց – որպէսզի Արցախը մնայ իր խոպան, խղճալի, անապրելի վիճակին մէջ: Եւ հետեւաբար ՀՀ-ն նոյնպէս:
Այս ամէնը, տեւաբար հաւատացնելով հայերու – ներառեալ ես, տեսէք ներքեւի նախկին յօդուածներս – որ մեր կենսական պաշտպան – դաշնակիցն է:
2020-23ին ալ, մեր հերոս նահատակներուն հետ, Արցախը տուաւ, լքեց թուրքերուն:
Այս ամէնը, որպէսզի ՀՀ-ն մնայ Փութինին գրպանին մէջ: Ետեւի գրպանիկը, որ շատ գարշահոտող տեղ մը պէտք է որ ըլլայ: Մանաւանդ վերջերս, երբ որ անդադար տակը կ’ընէ կոր թուղթէ Ցարիկը՝ Սուրեան, Պաղեստինը եւ Իրանը կորսնցնելէ ետք, լա՜ւ ծեծ մըն ալ ուտելով Ուքրանիոյ մէջ:
Եւ այս ամէնէն ետք, դեռ «ռուսամետ» վոհմակներ – ներառեալ «կուսակցութիւններ» եւ ՀՅԴի հայաստանեան շարլաթաններու իս սկզբանէ փտած եւ որդոտած մասնաճիւղիկը, Լիբանանի հըզպալլաճի դաշնամուրներու ծափահարութեամբ – դեռ կ’ուզեն իշխանութեա՞ն տիրանալ այդ անգոյ երկրին խեղճուկրակ մնացորդին մէջ…
Կը յուսամ միայն որ ԱՄՆ-ն եւ ԵՄ-ն իրարու հետ լեզու կը գտնեն, գոնէ այս նիւթին մէջ, եւ Ռուսատանին սիքթիրը կը քաշեն, առ յաւէտ, Հարաւային Կովկասի հայկական հողերու վրայէն:
Ի դէպ, ահա թէ երկար ժամանակ, ես ալ ինչ կը կարծէի, ինչի կը հաւատայի, այս նիւթին մէջ, դեռ մինչե՜ւ 2020: Հոս եւս, the joke is on me (then again, what else is new…) ՝
. Ռուսաստանը եւ Մենք (Մայիս 2016)
. Արեւմտեան Սփիւռքը՝ վտանգ, Հայաստանին համար (Յուլիս 2020)
Կոտորենք Մոսքովա՜ն, անցնինք հեշտ կերպով…
Հայդուկ Շամլեան
05Մայիս 2026
Յ.Գ. Իսկական եւ մաքուր, բարի եւ միամիտ, դաշնակցական ընկերներս – Երկնային Արքայութիւնը ձեզիպէսներունն է – :
Պարապ տեղը մի ջղայնանաք հայաստանցիներու կեղծ «ՀՅԴ»ին մասին գրածներովս: Գոնէ այլեւս հիմա ձեր աչուկները թող սկսին քիչ մը բացուիլ:
Պարզապէս գացէք ստուգեցէք ՀՀ նախորդ բոլոր ընտրութիւններուն արդիւնքները:Եւ այդ կածեցեալ ՀՅԴին ստացած ձայները: Մինչ այդ ժամանակներուն, օրուայ իշխանութիւնները կը գրանցէին «ընտրութիւններու» արդիւնքներու տոկոսները, ընտրութեան օրէն ամիսներ առաջ. մինչ այդ սուտ, հայաստանցիներու «ՀՅԴ»-ն կը համագործակցէր ռուսասատանին ծառայող սոյն իշխանութիւններուն հետ, մաս կը կազմէր անոնց կառավարութիւններուն:
Իսկ վերջին պատերազմին, մեր Քրիսը, Գէորգը եւ անբնց նմանները – թէկուզ հայաստանցիներ – ուղարկեցին ռազմաճակատ, մինչ իրենք, մնացեալները, միայն՝ պլա-պլա-պլա-պլաաաա:
Իսկ Լիբանանի ՀՅԴի կապակցութեամբ, 1890-1923ը մի կողմ, 1950-1990 տարիները ապրած կամ ճանչցած լիբանանցի դաշնակցական հայերս, շատ լաւ գիտենք թէ ինչ մնացած է այդ օրերու մեր Փառապանծ Կուսակցութենէն: Տիղմ, մրուր եւ ունայնութիւն միայն: Անձնական շահեր եւ ՀՅԴի գաղափարաբանութիւնը շահագործող ենթա-մարդիկ միայն:
Հ.
…
Ենթա-գրացանկ / Սփիւռք
Ենթա-գրացանկ / Հայկական Հարց
Ենթա-գրացանկ / Հըդահիւն
Ենթա-գրացանկ/ Շուշի…